أبـمـسك غـترتي وأمـسـح دمـوعـك ثـم دمـعاتـي

قصيده اسمها بأسمي حزن ضيقه بأسم إنسان
تعيش بخاتمتها هم ويعين الله بمبداها

أحس أن الأمل ضايع ولا قد شفتله بيبان
مثل غيمه تهل المزن ولا قد ذقت من ماها




تعال وما بقى مني على شانك أنا بهديه
والى منه نزل دمعك تعال وإسمع أبياتي

تعال وإن غدا ليلك ظلام ودنيتك تبتدي فيه
أبي ترقد وسط صدري عليك الله لا تحاتي

تعال وشاعرك غنى على طاروق ما يخفيه
تناوش ساحة الشعار وصار الشاعر الأتي

أمانه يا غناة العمر أمانه والعنا ناسيه
أبيك أرجوك لا تبكي وتضيق مساحاتي

لأن الدمع في عينك إذا يبدأ انا بنهيه
أبمسك غترتي وأمسح دموعك ثم دمعاتي

أحبك كيف ما أحبك وإنته للسعد طاريه
أحبك كيف ما أحبك وإنته كل ملفاتي

أعيشك حلم ما ودي بعد فتره أنا أصحيه
أببقى في متاهاتك وكون إنته متاهاتي

أبيك وما ابي غيرك وغيرك ماني(ب) باغيه
أبيك إنته أبيك إنته أبيك تكون أهاتي

تشوف الحب في عيني وانا اكتب وانا اغنيه
قسم بالله ما أكذب تراك انته نهاياتي

وإذا عندي طلب واحد حبيبك إنت لا تجفيه
الى من رحت عن دربه تراه بحكم الأمواتي




مخرج
رحلت وما دريت انك قتلت بصدتك إنسان
خلاص ابعد وأنا المخطىء وطعناتك بتلقاها